• Monthly Report (MPR)
• Government Resolutions (GR)

जिल्हाधिकारी यांची जबाबदारी

• संपूर्ण जिल्ह्यातील प्रत्येक ग्रामपंचायतीमध्ये प्रत्येक दोन महिन्यातून ग्रामस्थ दिन सभा आयोजित करणे.
• स्वत: जास्तीत जास्त ग्रामस्थ दिनांना उपस्थित राहणे.
• जिल्हास्तरीय लोकशाही दिनात ग्रामस्थ दिनाचा आढावा घेणे.
• जिल्हास्तरीय अधिका-यांसाठी प्रशिक्षण वर्ग आयोजित करणे.
• मुख्य कार्यकारी अधिकारी यांचे साहाय्याने सर्व पालक अधिका-यांना सर्व शासकीय योजनांच्या पुस्तिका, ग्रामस्थ दिन सूचना पुस्तिाका, योजनांचे फॉर्म्स, इतिवृत्त नोंदवही, स्टेशनरी, फलक / बॅनर्स उपलब्ध करून देणे.
• सर्व उपविभागीय अधिका-यांमार्फत सर्व तालुक्यांमध्ये ग्राम अधिकारी, पालक अधिकारी व सरंपच, लोकप्रतिनिधी यांचे प्रशिक्षण वर्ग घेणे.
• ग्रामस्थ दिनाचे सनियंत्रण व समन्वयाचे काम पाहणे.
• ग्रामस्थ दिन विषयक अहवाल पाठविणे.

मुख्य कार्यकारी अधिकारी यांची जबाबदारी

• जिल्हा परिषदेमार्फत राबविण्यात येणा-या केंद्र पुरस्कत योजना, राज्य शासनाच्या योजना, जागतिक बँक व इतर परदेशी वित्तीय सहाय्यातून राबविण्यात येणा-या योजना तसेच जिल्हा परिषदेच्या स्थानिय निधीतून राबविण्यात येणा-या योजना अशा सर्व योजनांची माहिती असणारी पुस्तिका तात्काळ संकलित करून सर्व जिल्हास्तरीय अधिकारी, सर्व तालुकास्तरीय अधिकारी, सर्व ग्राम पालक अधिकारी व सर्व ग्रामपंचायती यांना ग्रामस्थ दिनाचे अंमलबजावणी करणारे उपविभागीय अधिकारी यांचे मार्फत पुरविण्यांत याव्यात.
• स्वत: जास्तीत जासत ग्रामस्थ दिनांना उपस्थित रहावे.
• ग्रामस्तरावर ग्रामस्थ दिनाचे माध्यमातून शासकीय सेवा, विकास, योजना, कल्याणकारी योजना व विविध कार्यक्रम अभियान यांची जागृती, प्रसिध्दी व अंमलबजावणी या कामांना गती देण्याचे काम करण्यात येणार आहे.त्यामुळे दिन विषयक उपविभागीय अधिकारी, तहसिलदार व ग्रामपालक यांना आवश्यक असणारी अनुषंगिक मदत उदा. प्रशिक्षण आयोजित करणारे, संपर्क व्यवस्था, प्रसिध्दी इत्यादिसाठी व्यवस्था उपलब्ध करून द्यावी.
• ग्रामस्थ दिनाच्या प्रभावी अंमलबजावणीसाठी खालीलप्रमाणे बाबींची आवश्यकता लागेल ती पुरविण्याची व्यवस्था करण्यात यावी.
  • सर्व योजनांची माहिती असणारी पुस्तिका.
  • ग्रामस्थ दिन सूचना पुस्तिका
  • सर्व योजनांचे छापील कोरे नमुने.
  • ग्रामपालकांसाठी प्रत्येक ग्रामपंचायतीला एक याप्रमाणे इतिवृत्त नोंदवही.
  • ग्रामपालकांना पुरविण्यासाठी ग्रामस्थ दिन पुस्तिकेतील प्रपत्रांचे कोरे नमुने.
  • ग्रामपालकांना पुरविण्यासाठी कोरे कागद, कार्बन, फाईल कव्हर, टॅग, टाचण्या इ. स्टेशनरी.
  • प्रसिध्दीसाठी फलक / बॅनर्स इ.
• सर्व खातेप्रमुखांना ग्रामस्थ दिन कार्यक्रमात भाग घेऊन सतत आढावा घेण्याविषयी तसेच त्याचे प्रत्येक भेटीचे वेळी, ठिकाणी ग्रामस्थ दिनात प्राप्त झालेल्या अडचणी व तक्रारी सोडविणेच्या सूचना देणे.
• खातेप्रमुखांच्या बैठकीत ग्रामस्थ दिन योजना अंमलबजावणीचा आढावा घेणे व या योजनच्या अंमलबजावणीत उदासिनता दाखविणारे / टाळाटाळ करणारे अधिकारी / कर्मचारी यांचेविरूध्द शिस्तभंगाची कार्यवाही करणे.

विभागीय खाते प्रमुखांची जबाबदारी

• विभागीय लोकशाही दिन कार्यक्रमात सर्वानमते ठरविल्यानुसार सर्व खातेप्रमुखानी त्यांचे अधिनस्त सर्व जिल्हा, तालुका, क्षेत्रिय व ग्रामस्तरीय अधिकारी व कर्मचारी यांना ग्रामस्थ दिन उपक्रम अंमलबजावणीमध्ये सक्रीय सहभागी होण्याच्या सूचना द्याव्यात.
• उपविभागीय अधिकारी अथवा तहसिलदार यांनी ग्राम पालक अधिकारी / ग्रामस्थ यांचेकडून प्राप्त झालेल्या विभागाविषयक तक्रारींची दखल घेवून त्या तातडीने सोडविणेसाठी उपाययोजना करावी.
• उपविभागीय अधिकारी अथवा तहसिलदार यांनी ग्राम पालक अधिकारी / ग्रामस्थ यांचेकडून प्राप्त माहितीच्या आधारावर एखादे तालुकास्तरीय/क्षेत्रिय/ ग्राम स्तरीय अधिकारी/कर्मचारी ग्रामस्थ दिन विषयक कामकाजात भाग घेत नाहीत अशी तक्रार केल्यास संबंधितांचे विरूध्द नियमानुसार विभागीय कारवाई तात्काळ सुरू करावी.
• विभागामध्ये दौरे करतांना प्रत्येक वेळी भेटीचे ठिकाणी आपल्या विभागाविषयक ग्रामस्थ दिनात उपस्थित होणारे प्रश्न, त्यावरील उपाययोजना व चालणारे कामकाज या विषयी आढावा घ्यावा.
• आपल्या विभागानी संबंधित शासकीय योजना / सेवा अधिक प्रभावीपणे व परिणामकारकपणे ग्रामस्तरावर पुरविणेसाठी या ग्रामस्थ दिन योजनेचा पुरेपूर उपयोग करून घ्यावा व वेळोवेळी आवश्यक वाटतील त्या बदलासाठीच्या सूचना अहवाल पाठवून तसेच विभागीय लोकशाही दिनाचे बैठकीचे वेळी कळवाव्यात.

जिल्हास्तरीय व तालुकास्तरीय अधिकारी यांच्या जबाबदा-या

• जिल्हा व तालुक्याचे ठिकाणी ग्रामस्थ दिन समन्वयन व सनियंत्रणासाठी घेण्यात येणा-या बैठकांना हजर राहणे.
• सर्व अधिनस्त अधिकारी/कर्मचारी यांना ग्रामस्थ दिन विषयक सोपविलेले सर्व कामे व्यवस्थितपणे करणेविषयी सूचना देणे.
• जिल्हाधिकारी/उपविभागीय अधिकारी/तहसिलदार यांच्या सूचनांनुसार आवश्यक ते पर्यवेक्षकीय काम करणे, ग्रामस्थ दिनात आपल्या विभागा विषयक प्राप्त होणा-या तक्रारी/अडचणी सोडविणेसाठी तात्काळ उपाययोजना करणे व तसे कळविणे.
• जिल्ह्यात/तालुक्यात दौरे करतांना प्रत्येक भेटीचे वेळोवेळी भेटीचे ठिकाणी आपल्या विभागाविषयक ग्रामस्थ दिनात उपस्थित होणारे प्रश्न, त्यावरील उपाययोजना व चालणारे कामकाज या विषयी आढावा घ्यावा.
• शासकीय योजनांतर्गत वैयक्तिक लाभ वितरणाचे कार्यक्रम दिनाचे दिवशीच ठेवावेत. म्हणजे जास्तीत जास्त ग्रामस्थ ंत्या दिवशी हजर राहून ग्रामस्थ दिनात सहभागी होवू शकतील.
• आपल्या विभागाशी संबंधित शासकीय योजना / सेवा अधिक प्रभावीपणे व परिणामकारकपणे ग्रामस्तरावर बदलासाठीच्या सूचना व कल्पना अहवाल पुरेपूर उपयोग करून घ्यावा व वेळोवेळी आवश्यक वाटतील त्या बदलासाठीच्या सूचना व कल्पना अहवाल पाठवून तसेच जिल्हास्तरीय लोकशाही दिनाचे/ तालुकास्तरीय ग्रामस्थ दिन बैठकीचे वेळी कळवाव्यात.

प्रकल्प अधिकारी, आदिवासी उप योजना

• आदिवासी विभागातील ग्रामपंचायतीमध्ये ज्या दिवशी दिन असेल त्या दिवशी आदिवासी विकासाच्या सर्व योजनांची माहिती देण्याची व्यवस्था करावी. प्रपत्र 3 मधील नमुन्यात नोंदवहीत तक्रारी नोंदवाव्यात.
• आदिवासी उपयोजनांतर्गत जे वैयक्तिक लाभ वाटपाचे काम असेल ते ग्रामस्थ दिनातच करावे. लाभ वाटप केलेल्या लाभार्थींचे नांवे ग्रामस्थ दिन सभेत खुलेपणाने वाचून दाखवावीत.
• ग्रामस्थ दिनासाठी प्रकल्प अधिकारी कार्यालयाने प्रतिनिधींना हजर राहण्याच्या सूचना द्याव्यात.
• आदिवासी क्षेत्रातील ग्रामस्थांच्या अडचणी/तक्रारी तात्काळ सोडवाव्यात व सतत संबंधित उपविभागीय अधिकारी/ तहसिलदार यांचे संपर्कात राहून माहिती घ्यावी व आवश्यक त्या उपाय योजना कराव्यात.